Levabamos xa máis dun ano vivindo en Suecia e indo a exposicións felinas, e tiñamos claro que queríamos que o noso
2º macho fose sueco, e que tivese no seu pedigree liñas que apreciamos e queríamos incluir no noso plan de cría.
A rpocura foi longa, pero finalmente a topamos o noso cachorro en S*Garpriket’s, un criadeiro que xa admirabamos
cando estabamos en España, e que admiramos máis agora, logo de coñecer a Ingegerd e a súa familia humana e felina.
S*Garpriket’s Rob Roy é todo o que tiñamos soñado. Ante todo é un gato sociable e extremadamente cariñoso, tanto
coas persoas como con tódolos gatos da casa, incluidos os cachorros, cos que xoga como se fose un máis.
Rob Roy é un gato moi grande, de corpo longo e musculoso, acompañado dun rabo tamén longo.
Ten unha cabeza moi equilibrada, con excelente triangulación, perfil longo e recto, bo queixo, ollos amenoados,
e grandes orellas anchas na base, ben colocadas e con pinceis de lince na punta.
Rob Roy non só é un gato moi completo en canto ó estándar, se non tamén como macho de cría, transmitindo
tóda-las súas boas cualidades ós seus fillos, dando uns cachorros fantásticos, independentemente da femia.
Non podemos estar máis contentos con este gato, que ademáis de ser un amor, está aportando moi boas cualidades
ó noso criadeiro. Rob Roy é pai das camadas G, H, I, L, M e O de Jakobusland*ES.
Froito da colaboración entre criadores, Rob Roy tamén é pai da camada B de Vestvegr*ES e a Q de Tsavo*ES

Queremos agradecerlle a Ingegerd o teren confiado en nos e permitir que Rob Roy forme parte da familia Jakobusland.