Levábamos moito tempo desexando ter unha femia tartaruga, e as líñas de Titran's fascinábannos.
Para complementar o noso plan de cría necesitábamos unha femia grande, con corpo e rabo longos.
Roxana ten esas cualidades, é moi grande, de corpo moi longo e rabo extremadamente longo.
Ademáis ten moitas outras virtudes: estructura moi forte, corpo musculoso, orellas grandes con pinceis,
excelente calidade de manto, tanto en textura como en intensidade de cor e definición do debuxo clásico.
Roxana ten un carácter fantástico, moi equilibrado. É moi sociable, segura de sí mesma, intelixente e agarimosa.
O seu queixo e a súa altura de cabeza poderían ser mellores, pero Roxana habitualmente transmite ós seus fillos
as súas mellores cualidades e mellora neles os seus pequenos defectos, resultando cachorros moi bos.
A súa fantástica xenética, unida ó feito de que é unha excelente nai, fai dela unha das nosas mellores
femias de cría, tendo camadas excepcionais, independentemente do macho co cal a crucemos.
Roxana é a nai das nosas camadas F, H, M e N. Podedes velas no apartado de Anteriores camadas.
Queremos darlle-las grazas a Renée, de Titran's, por Roxana e pola súa confianza e consellos.